У свабоднай эканамічнай зоне «Магілёў» плануюць стварыць новы прамысловы аб’ект пад назвай «Разумны парк». Ён з’явіцца на тэрыторыі былога прадпрыемства «Магілёўхімвалакно», дзе раней знаходзіліся вытворчыя цэхі. Цяпер гэтыя плошчы плануецца пераўтварыць у сучасную інвестыцыйную пляцоўку.
Праект прадугледжвае поўную мадэрнізацыю інфраструктуры з выкарыстаннем лічбавых тэхналогій, новых сістэм кіравання і экалагічных стандартаў. У межах будучага парку будзе вытворчы корпус плошчай каля 150 тысяч квадратных метраў і адміністрацыйны будынак плошчай каля 7800 квадратных метраў.
Раней у СЭЗ аб’явілі конкурс стартап-ідэй для развіцця гэтай пляцоўкі. Прапанаваныя праекты тычыліся розных кірункаў — ад «разумнай» лагістыкі да энергаэфектыўнасці. Усе прадстаўленыя ідэі прызналі важнымі і рэкамендавалі да практычнай рэалізацыі.
Фактычна гаворка ідзе пра спробу пераўтварыць старую прамысловую зону ў сучасны тэхналагічны парк з больш эфектыўнай і «разумнай» арганізацыяй вытворчасці.
Няўдалае тэхнічнае рашэнне дорага абышлося арганізатарам галасавання ў Каардынацыйную раду12
Каментары