Жыхар Ліды прачытаў перапіску былой жонкі. За гэта яго будуць судзіць
У міліцыю звярнулася 32-гадовая жанчына, якая паведаміла пра тое, што на яе старонку ў інтэрнэце незаконна зайшоў іншы карыстальнік, у чым яна падазрае свайго былога мужа, паведамляе Следчы камітэт.
Паводле следства, 23-гадовы мужчына, выкарыстоўваючы свой мабільны тэлефон і ноўтбук, без ведама і дазволу былой жонкі атрымаў доступ да яе камп'ютарнай інфармацыі. Мужчына атрымаў доступ да канфідэнцыйных звестак былой жонкі, у тым ліку да паведамленняў. Падазраваны растлумачыў, што зрабіў гэта з цікаўнасці, бо хацеў азнаёміцца з асабістай інфармацыяй і паведамленнямі жанчыны.
Завялі крымінальную справу па ч.2 ст.349 Крымінальнага кодэкса (несанкцыянаваны доступ да камп'ютарнай інфармацыі, здзейснены з іншай асабістай зацікаўленасці).
Зяленскі: Рэтранслятары на мяжы Беларусі прыпынілі працу69
Каментары