У Італіі беларускі дальнабойшчык ударыў нажом у спіну свайго калегу
Сварка паміж двума дальнабойшчыкамі з Беларусі на АЗС у Ламбардыі прывяла да нажавога ранення аднаго з іх. Пра гэта паведамляюць італьянскія СМІ.
Інцыдэнт адбыўся на аўтастрадзе А1 недалёка ад Мілана прыкладна ў 18.00 у мінулую пятніцу. Па першай інфармацыі, паміж двума кіроўцамі, якія працуюць у адной кампаніі, узнік канфлікт па невядомай прычыне. Іх развёў ў бакі трэці кіроўца. Аднак затым адзін з удзельнікаў сваркі забраўся ў грузавік, узяў нож і ўдарыў ім свайго апанента ў спіну. 33-гадовы мужчына зваліўся на зямлю. Яго тэрмінова даставілі ў лякарню Мілана. Нападнік быў затрыманы паліцэйскім патрулём.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары