Рэдкі від савы не толькі пабачылі, але і знялі на відэа: 21 кастрычніка сіпуха заляцела ў офіс у Верхнядзвінскім раёне, паведамляе АПБ.
Віктар Разумны, які назіраў птушку, расказаў, што яна заляцела ў кабінет праз акно, якое пакінулі на ноч адчыненым. Яна не дужа баялася чалавека.
«Раніцай я ўвайшоў у кабінет і заўважыў птушку. Спачатку яна крыху спужалася, узляцела, але потым паводзіла сябе спакойна. Я адчыніў дзверы на балкон, каб яе выпусціць, яна пасядзела крыху і потым зляцела. Я пачаў шукаць інфармацыю пра гэты від у інтэрнэце, і вельмі ўразіўся: гэта вельмі рэдкі ў Беларусі від, асабліва на поўначы».
Сапраўды, сіпуха — адзін з самых рэдкіх відаў соваў у Беларусі, што ў нас гняздуюцца. У XXI стагоддзі было вядома толькі два месцы гнездавання сіпухі, але сёлета фактаў гнездавання птушкі пацверджана не было, саму сіпуху таксама яшчэ не бачылі, толькі сляды яе жыццядзейнасці ў месцы адпачынку на поўдні Беларусі.
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі27
Каментары