Лукашэнка адказаў на прэтэнзіі пра тое, чаму ў парламенце не будзе апазіцыі
Мінулыя парламенцкія выбары сталі адной з тэм сустрэчы Аляксандра Лукашэнкі з міністрамі замежных спраў Швецыі Ан Ліндэ і Фінляндыі Пекам Хаавіста, перадае БелТА.
Кіраўнік дзяржавы часткова раскрыў змест сустрэчы з прадстаўнікамі заходніх краін на перамовах з дэлегацыяй Калінінградскай вобласці, калі пасол Расіі Дзмітрый Мезенцаў адзначыў паспяховае правядзенне ў Беларусі парламенцкіх выбараў.
«Вы так думаеце. А вось яны (кіраўнікі МЗС Швецыі і Фінляндыі) пачалі казаць: «Чаму няма празаходніх апазіцыянераў? У мінулым былі тры чалавекі, а ў гэтым — ніводнага». Не ўва мне прычына. Калі людзі не падтрымліваюць, што я магу зрабіць?» — спытаў Аляксандр Лукашэнка.
«Я кажу: вы ім не давайце грошы. Яны даюць грошы, тыя купляюць аўтамабілі, будуюць асабнякі. Грошы немалыя ідуць. Мы іх усе бачым, - звярнуў увагу кіраўнік краіны. — Тое, што не бачым мы, нам расіяне падкажуць, адкуль яны ідуць. Звычайна праз Літву, Польшчу. Амерыканцы, немцы фінансуюць. Добра яны жывуць. На чарта ім гэтая ўлада, галаўны боль?»
Што азначае загадкавы код R99 у прычынах смерці Уладзіміра Макея і Вітольда Ашурка?5
Каментары