Рэжысёр Джэй Джэй Абрамс распавёў, што ў дзявятым эпізодзе франшызы «Скайуокер: Усход» будуць расказаны падрабязнасці мінулага некаторых герояў, піша Vanity Fair.
Паводле яго слоў, у фільме будзе шмат увагі нададзена напарніку Рэй — Фіну. Так, у прыватнасці, стане вядома, як ён стаў штурмавіком і як трапіў у шэрагі Першага Ордэна.
Мянушку Фін даў герою Джона Байегі пілот Супраціву По Дэмеран, якому той дапамог вызваліцца з турэмнага адсека. У яе аснове — дзве першыя літары яго асабістага нумара FN-2187.
«Я б сказаў, што пра кожнага персанажа стануць вядомыя новыя падрабязнасці. Я не кажу пра тое, што мы высветлім усё пра іх дзяцінства і пра тое, як яны сталі тымі, кім сталі, але ў фільме будзе шмат момантаў з мінулага Фіна, По, і, вядома, Кайла і Рэй, а таксама гісторыі некаторых іншых новых герояў», — растлумачыў Абрамс.
Стужка мае выйсці ў пракат 19 снежня.
-
«Скончыце ўжо гэту бойню». Рэжысёр Звягінцаў атрымаў Гран-пры Канскага фестывалю і звярнуўся са сцэны да Пуціна
-
«Спачатку жанчыны»: у гэтым фільме жанчыны кіруюць светам, а мужчыны вучацца быць спакуслівымі, каб зрабіць кар’еру
-
«Мінатаўр» Андрэя Звягінцава — антываенная драма, якую стоячы віталі ў Канах
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары