Мужчыну, што жорстка забіў цяжарную жанчыну, далі 22 гады калоніі
Брэсцкі абласны суд 10 снежня абвясціў прысуд па крымінальнай справе аб жорсткім забойстве цяжарнай жанчыны.
П'яны мужчына, раней судзімы, 7 жніўня скраў са склада крамы ў вёсцы Юхнавічы прадукты і іншыя матэрыяльныя каштоўнасці на суму каля 335 рублёў. Увечары таго ж дня, але ўжо ў вёсцы Пятровічы, ён пасварыўся з цяжарнай жанчынай. Мужчына ведаў, што яна чакае дзіця, але нанёс будучай маці вялікую колькасць удараў рукамі і нагамі, а таксама нажом па розных частках цела. Ад атрыманых траўмаў жанчына памерла на месцы здарэння.
Мужчыну прызналі вінаватым у забойстве заведама цяжарнай жанчыны, здзейсненым з асаблівай жорсткасцю і паўторным крадзяжы. Яго прысудзілі да 22 гадоў пазбаўлення волі з адбываннем пакарання ў папраўчай калоніі ва ўмовах строгага рэжыму.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку
Каментары