Памятаеце футбаліста-мажора Іллю Лухвіча? Ён на «хіміі», але зноў хваліцца дарагімі машынамі і парушае правілы ФОТЫ
Год таму 19-гадовы футбаліст Ілля Лухвіч стаў «зоркай»: у СМІ трапілі відэаролікі, дзе юнак ганяе на мамчынай «Інфініці», парушаючы правілы. Прычым, здымаў і выкладваў відэа сам Ілля.
Пасля за сына выбачаўся бацька, былы футбаліст зборнай Беларусі Аляксандр Лухвіч. А ўлетку Ілля разам са сваёй дзяўчынай Настассяй атрымалі адпаведна два і паўтара года хатняй «хіміі».
Парачку асудзілі не за гонкі, а за махлярства з айфонамі: маладзёны куплялі няспраўныя тэлефоны, пасля прадавалі іх нібыта нармальныя.
Здавалася б, прыгодаў і ўвагі СМІ Іллі Лухвічу мусіла хапіць. Але ж не.
Новую падборку кантэнту ад Іллі апублікаваў партал «Трыбуна». Лухвіч-малодшы завёў новы акаунт у інстаграме, дзе працягвае хваліцца і той самай «Інфініці», якую бацькі абяцалі забраць, і новай машынай — дарагой «БМВ» з «няпростым» нумарам.
Акрамя таго, Лухвіч-малодшы працягвае і ганарыцца парушэннямі ПДР, і выкладваць сторыз з машыны, на якой катаецца ў горадзе з хуткасцю паказвае 100 кіламетраў у гадзіну. Ну і не забывае разводзіць «срач» у каментах, пантуючыся і грашыма, і бацькам (якога, шчыра кажучы, больш за ўсіх шкада ў гэтай гісторыі).
За тры і больш парушэнняў (спагнанняў) чалавек, прысуджаны да хатняй хіміі, атрымлівае статус злоснага парушальніка. У яго дачыненні заводзіцца крымінальная справа за ўхіленне ад адбыцця пакарання. У такім разе парушальніку пагражае да трох гадоў рэальнага пазбаўлення свабоды.
«Наша Ніва» звязалася з Іллёй Лухвічам, але ён адмовіўся ад каментароў:
«Вы мне пазванілі а 7-й вечара, каб дэбільныя пытанні пазадаваць? То зайдзіце ў каменты, пагаварыце там з людзьмі, ім гэта таксама цікава. Нумар мой выдаліце і не званіце больш ніколі».
Бацька за сына не адказвае. Але ў мінулы раз Аляксандр Лухвіч павёў сябе вельмі сумленна: прыйшоў у каментары да артыкула, выбачаўся за паводзіны сына.
Таксама Лухвіч-старэйшы не ігнараваў пытанні журналістаў: адказваў на ўсе непрыемныя пытанні, абяцаў жорстка пагаварыць з сынам. Карацей, прыкрываў Іллю, абсалютна не адмаўляючы, што сын перагнуў палку.
«Наша Ніва» расказала пра новыя прыгоды Іллі Лухвіча яго бацьку. Аляксандр Лухвіч здзівіўся, але паабяцаў разабрацца.
«Не можа быць… «Інфініці» ў яго даўно няма, мы забралі. «БМВ» — гэта яго, ён сам набыў у лізінг. Гэта старая мадэль, яна не каштуе шалёных грошай.
Сын працуе ў салоне, прадае аўтамабілі. Ён стаў нашмат разумнейшым, спакайнейшым. У нейкія гісторыі не трапляў, не ганяе, наколькі я ведаю… Так што дзякуй, што паведамілі, разбяруся. Пагавару з ім».
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары