Еўракамісія: недапушчальна перакладаць віну за пачатак Другой сусветнай на Польшчу і Захад
Еўракамісія адмаўляе спробы сказіць гісторыю Другой сусветнай вайны і перакладанне віны за пачатак канфлікту на Польшчу і Захад. Пра гэта заявіла намесніца старшыні камісіі Вера Ёурава падчас дыскусіі, якую транслявалі на сайце Еўрапарламента, піша rbc.ru.
«Еўракамісія не будзе мірыцца з такімі нападамі і дэманструе салідарнасць з Польшчай», — сказала яна.
Лідар Еўрапейскай народнай партыі Манфрэд Вебер таксама заявіў аб недапушчальнасці спробаў апраўдаць пакт Молатава — Рыбентропа 1939 года. Так ён адказаў на крытыку прэзідэнтам Расіі Уладзімірам Пуціным рэзалюцыі Еўрапарламента, прымеркаванай да 80-годдзя пачатку вайны. У дакуменце гаворыцца, што канфлікт пачаўся з-за пакта аб ненападзе і яго сакрэтных пратаколаў, якія падзялілі Еўропу на дзве сферы ўплыву.
У снежні Пуцін заяўляў, што вайну справакавала Мюнхенская змова 1938 г. паміж Германіяй, Францыяй, Вялікабрытаніяй і Італіяй. Пагадненне мела на ўвазе перадачу Германіі чэхаславацкай Судэцкай вобласці.
Цяпер чытаюць
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе6
Каментары