МУС: Амаль ва ўсіх школах ужо ёсць відэаназіранне. З цягам часу могуць з'явяцца і ахоўнікі
У канцы мінулага года супрацоўнікі тэрытарыяльных АУС абследавалі больш за 2,8 тысяч школ і гімназій, а таксама прылеглыя да іх тэрыторыі. Яны праверылі, наколькі гарантуецца бяспека дзяцей. Вынікі паведамляе ведамаснае выданне МУС «На страже», піша Tut.by.
«У ліку частых недахопаў — адсутнасць запорна-перагаворных прылад на ўваходах (выхадах). Пакуль імі абсталявана невялікая частка школ, але сумесная праца з прадстаўнікамі сферы адукацыі ў гэтым кірунку працягваецца», - распавёў Сяргей Янкоўскі.
Што тычыцца сістэм відэаназірання і ручных сістэм трывожнай сігналізацыі, то гэтая задача вырашаецца «ўдарнымі тэмпамі», піша выданне.
У Мінскай вобласці толькі ў 4 з 512 школ няма відэаназірання, а ў Брэсцкай - няма ў 6 школах з 510. У астатніх абласцях камерамі аснашчаны ўсе школы і гімназіі.
Як адзначылі ў МУС, яны разам з Міністэрствам адукацыі працягнуць абсталёўваць школы сістэмамі відэаназірання, электроннымі сістэмамі кантролю і кіравання доступам старонніх (турнікеты, дамафоны), трывожнымі кнопкамі, а таксама стацыянарнымі і партатыўнымі металадэтэктарамі.
Больш за тое, не выключаецца «магчымасць паэтапнага пераходу на ахову ўстаноў адукацыі сіламі супрацоўнікаў Дэпартамента аховы».
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары