Мінгарвыканкам адмовіўся ўключаць 25 Сакавіка ў план мерапрыемстваў: такога свята няма ва ўказе Лукашэнкі за 1998 год
Беларуская сацыял-дэмакратычная партыя (Грамада) звярнулася ў Мінгарвыканкам з просьбай уключыць мерапрыемствы святкавання 102-годдзя абвяшчэння незалежнасці БНР у агульнагарадскі план мерапрыемстваў.
Свята БНР-100 у Мінску ў 2018 годзе. Фота Сяргея Гудзіліна.
На ліст у ведамстве адказалі, што «падрыхтоўка агульнагарадскога плана мерапрыемстваў прымеркавана і ажыццяўляецца напярэдадні дзяржаўных святаў, святочных дзён і памятных дзён, зацверджаных указам прэзідэнта Рэспублікі Беларусь ад 26 сакавіка 1998 года №157 «Аб дзяржаўных святах, святочных днях і памятных датах у Рэспубліцы Беларусь».
Гадавіна абвяшчэння незалежнасці БНР у гэты план не ўключаная, таму прапанову партыі ў Мінгарвыканкаме адхілілі.
Каментары