Ва Узброеных Сілах пачаўся другі этап праверкі войскаў: прызавуць больш за 1000 чалавек з запасу
У адпаведнасці з распараджэннем міністра абароны 9 сакавіка ва Узброеных Сілах пачаўся другі этап комплекснай праверкі баявой і мабілізацыйнай гатоўнасці войскаў пад кіраўніцтвам начальніка Генштаба генерал-маёра Аляксандра Вальфовіча, паведамляе Мінабароны.
У вышэйшыя ступені баявой гатоўнасці прыводзяцца шэраг вайсковых частак і падраздзяленняў Узброеных Сіл.
У ходзе праверкі будзе ажыццяўляцца комплекс мабілізацыйных мерапрыемстваў, у выніку якога больш за тысячу вайскоўцаў прызавуць з запасу.
Мэта — праверка здольнасці вайсковых часцей выканаць задачы па прызначэнні ў дынамічнай абстаноўцы днём і ноччу, а таксама ўдасканаленне тактычнай вывучкі войскаў.
Акрамя таго, будзе ажыццяўляцца праверка стану ўзбраення, ваеннай і спецыяльнай тэхнікі, у тым ліку той, якая знаходзіцца на захоўванні.
У праверцы будзе задзейнічана каля шасці тысяч вайскоўцаў і больш за дзвесце адзінак тэхнікі.
Асноўная ўвага будзе нададзена пытанням арганізацыі ўзаемадзеяння, кіравання і ўсебаковага забеспячэння войскаў.
Праверка завершыцца правядзеннем комплекснага тактычнага вучэння, падчас якога будзе дадзена ацэнка здольнасці войскаў выканаць пастаўленыя задачы.
Каментары