Павел Севярынец заявіў, што здымаецца з праймерыз па вылучэнні адзінага дэмакратычнага кандыдата.
«Адбывалася нарада з удзелам партый, што ўваходзяць у праймерыз, а таксама кандыдатаў. Мая пазіцыя і Аляксея Янукевіча з Партыі БНФ была ў тым, каб здымацца проста цяпер, не ехаць нават заўтра ў Баранавічы. Я таксама адмяняю сваю персанальную сустрэчу ў Гродне», — зазначае Севярынец.
Севярынец перакананы, што ва ўмовах каранавіруса немагчымая далей працэдура праймерыз. «80% грамадзянаў выступаюць за каранцін», — кажа ён.
Другая праблема — гэта ўдзел у перадвыбарах вялікай колькасці чыноўнікаў, якія, выглядае, галасуюць за Губарэвіча. «Як можна вырашыць гэтую праблему? Заклікаць большую колькасць сваіх прыхільнікаў прыходзіць на сустрэчы, каб перакрыць ідэолагаў. Але зноў-такі мы сутыкаемся з каранавірусам, і ў такіх умовах не можам запрашаць людзей. Атрымліваецца замкнёнае кола, якое мы маглі парваць сёння, але не атрымалася», — гаворыць Павел.
Па інфармацыі «НН», за тое, каб працягнуць аб'езд рэгіёнаў, выступалі Рух «За Свабоду» і БСДП. АГП вагалася. А Вольга Кавалькова права голасу не мела.
Выглядае, што Юрась Губарэвіч спадзяваўся найбліжэйшым часам перагнаць Севярынца, таму быў найменш зацікаўленым у тым, каб праймерыз спыніліся.
Павел Севярынец не меў намеру ўдзельнічаць у выбарчай кампаніі самастойна. Ён кажа, што ў сённяшніх умовах распаўсюду віруса гэта проста немагчыма.
«Застаецца толькі байкот, а таксама нацыянальная забастоўка», — гаворыць палітык.
БХД пакуль афіцыйна не выйшла з працэдуры праймерыз. Севярынец кажа, што абгаварыў свой крок з сябрамі штабу, і тыя яго падтрымалі.
Лідар руха «За свабоду» Юрась Губарэвіч адмаўляецца каментаваць рашэнне Паўла Севярынца, па каментары ён накіроўвае да Аляксея Сігаева.
Севярынец лідзіраваў у праймерыз (339 галасоў), лідар Руху «За Свабоду» Юрась Губарэвіч скарачаў адставанне (201 голас).
Чытайце таксама:
57 чалавек прыйшлі на праймэрыз у Століне ВІДЭА. Караван едзе ў Баранавічы
Севярынец заявіў, што на Берасцейшчыне на праймерыз масава прыйшлі чыноўнікі, каб прагаласаваць за Губарэвіча
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў14
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары