П'яны магілёвец заснуў у пад'ездзе, калі ішоў дадому. Яго абакраў сусед
П'яны 24-гадовы магілёвец, вяртаючыся дадому, не здолеў пераадолець апошні ўчастак шляху і дайсці да дзвярэй уласнага дома — ён заснуў проста ў пад'ездзе. Прачнуўшыся, мужчына не знайшоў мабільнага тэлефона, паведамляе міліцыя.
Аказалася, што тэлефон забраў сусед, 40-гадовы рабочы, які праходзіў паўз мужчыну, што спаў, і вырашыў скарыстацца магчымасцю.
Мужчына прадаў тэлефон, а грошы патраціў на асабістыя патрэбы. Распачалі крымінальную справу.
Каментары