У Пружанах п'яны мужчына вырашыў праверыць спраўнасць газавага балончыка ў чарзе ў краме
У лютым у адзін з прадуктовых магазінаў райцэнтра зайшоў мужчына і ў чарзе распыліў газ з балончыка. Ужо праз некалькі гадзін ён паўтарыў гэта ў іншай краме, паведамляе УУС.
У абодвух выпадках хулігану ўдалося схавацца, аднак у выніку яго знайшлі міліцыянеры.
Пасля вывучэння запісаў з камер відэаназірання ўдалося высветліць асобу падазраванага. Ім аказаўся 30-гадовы рабочы мясцовага райспажыўтаварыства, раней неаднаразова судзімы, у тым ліку за хуліганства. Крыху пазней яго знайшлі і затрымалі.
Мужчына распавёў, што купіў газавы балончык для самаабароны. Аднак спраўнасць спецсродка, будучы п'яным, вырашыў праверыць на людзях. Эфект гараджаніну спадабаўся, і ён яшчэ раз распыліў газ у іншай краме.
Завялі крымінальную справу.
Цяпер чытаюць
«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ10
Каментары