Здарэнні99

Берасцеец упаў з балкона, пазваніў у 103, але не назваў дакладны адрас. Брыгада не прыехала — і ён памёр

Трагічная гісторыя адбылася 3 лютага ў Брэсце па адрасе Суворава, 106. 

Гэта такі «паўсацыяльны дом», дзе, са словаў саміх жыхароў, «працэнтаў 70 п'юць, кашмар проста». 

Выглядае ён адпаведна — гэта былая маласямейка, узведзеная ў 1985-м, па баках там балконы агульнага карыстання з пажарнай лесвіцай.

Брэст, Суворава 106, фота з Google

Менавіта з такога балкона выпаў берасцеец. Ці быў ён п'яны, невядома. Жыхары дома сцвярджаюць, што зваліўся ён ці то з шостага, ці то з восьмага паверха.

Упаўшы на зямлю, мужчына застаўся жывы і нават знайшоў сілы пазваніць у 103 і паведаміць, што зваліўся з лесвіцы і не можа падняцца.

Як вядома «Нашай Ніве», ён не здолеў назваць канкрэтны адрас, бо не быў жыхаром дома і таму проста не ведаў яго. Мужчына назваў толькі вуліцу і пачаў расказваць пра тое, што знаходзіцца побач. Дыспетчар такі выклік не прыняў. 

Праз пару гадзін ледзь жывога мужчыну заўважыў мінак і выклікаў хуткую, ужо назваўшы дакладны адрас. Але стан пацярпелага да таго моманту пагоршаў, ён памёр, не дачакаўшыся прыезду медыкаў. 

Пасмяротна ў яго дыягнаставалі некалькі пераломаў хрыбетніка і траўму галавы. 

«Следчы камітэт правярае абставіны смерці мужчыны па адрасе Суворава, 106. У рамках праверкі высвятляюцца ўсе абставіны, у тым ліку абставіны прыбыцця хуткай дапамогі», — заявіў «Нашай Ніве» афіцыйны прадстаўнік Следчага камітэта па Брэсцкай вобласці Дзмітрый Іванюк. 

Цяпер выхады на пажарную лесвіцу закрытыя, жыхары мяркуюць, што прычынай падзення магла стаць прыступка, якая не вытрымала вагі мужчыны. 

Каментары9

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Вылецела ў невядомым кірунку спікерка КР Анжаліка Мельнікава30

Вылецела ў невядомым кірунку спікерка КР Анжаліка Мельнікава

Усе навіны →
Усе навіны

У міліцыі назвалі памер хабару, які ўзяў намеснік дырэктара Беларускай чыгункі6

Мінчукі размятаюць свежы бярозавік1

Пуцін прапанаваў увесці знешняе кіраванне ва Украіне для правядзення выбараў і паабяцаў дабіць УСУ20

У міліцыі расказалі, як знайшлі забойцу двух чалавек у Рагачоўскім раёне1

305 рублёў за цукарніцу, 456 за заварнік: цэны ў анлайн-краме Свята-Елісавецінскага манастыра шакуюць19

Аперацыя па пошуку салдатаў ЗША, што праваліліся ў балота ў Літве, доўжылася ўсю ноч2

Гэты маленькі звярок можа раскрыць сакрэт барацьбы са старэннем6

«Рыхтавацца да найгоршага»: Макрон заявіў, што ў Парыжы абмяркоўвалі планы падтрымкі Украіны без ЗША2

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае18

больш чытаных навін
больш лайканых навін

Вылецела ў невядомым кірунку спікерка КР Анжаліка Мельнікава30

Вылецела ў невядомым кірунку спікерка КР Анжаліка Мельнікава

Галоўнае
Усе навіны →

Заўвага:

 

 

 

 

Закрыць Паведаміць