5 мая, у аўторак, ноччу на паўднёвым усходзе краіны, днём месцамі па краіне пройдуць кароткачасовыя дажджы, у асобных раёнах навальніцы. Тэмпература паветра мінімальная ноччу +4…10°С, на паўднёвым усходзе да +13°С; максімальная днём +14…20°С, піша Tut.by.
6 мая, у сераду, чарговая сістэма атмасферных франтоў прынясе на большую частку тэрыторыі Беларусі дажджы рознай інтэнсіўнасці. Удзень месцамі з навальніцамі, у асноўным на захадзе краіны, чакаецца ўзмацненне ветру парывамі да 15-20 м/с. Тэмпература паветра мінімальная ноччу +4…11°С, максімальная днём +10…17°С, месцамі да +19°С.
У чацвер, 7 мая, франтальныя раздзелы будуць павольна перамяшчацца на ўсход, услед за імі чакаецца разрастанне больш прахалодных паветраных мас. Уначы яшчэ на большай частцы тэрыторыі краіны, днём месцамі, пераважна на паўднёвым усходзе краіны, пройдуць кароткачасовыя дажджы. У начныя гадзіны захаваецца моцны парывісты вецер. Тэмпература паветра панізіцца і складзе: мінімальная ноччу +2…9°С, максімальная днём усяго +11…18°С.
У канцы тыдня ападкаў прагназуецца трохі, але надвор'е будуць фармаваць прахалодныя паветраныя масы.
8 мая, у пятніцу, пераважна без ападкаў, толькі ноччу на паўднёвым усходзе магчымы кароткачасовы дождж. Тэмпература паветра мінімальная ноччу 0…+7°С, пры праясненнях да -2°С, максімальная днём +12…19°С.
Каментары