Закрыта крымінальная справа супраць «Пятага элемента»
Праз адсутнасць складу злачынства закрытая крымінальная справа ў дачыненні да ЗАТ «Патыё» (уласнік брэнда «Пяты элемент»). Кіраўніцтву кампаніі інкрымінавалі спробу сыходу ад падаткаў.
Пра гэта са спасылкай на ўласныя крыніцы паведамляе тэлеграм-канал HARBACEVIČ.
Нагадаем, Следчы камітэт прыйшоў з вобшукам у галоўны офіс «Пятага элемента» у чэрвені 2019 года.
Чытайце таксама: Сілавікі прыйшлі ў «5 элемент»
Абазнаныя крыніцы адзначаюць, што справа магла быць звязаная са старымі рахункамі бізнэсмена Яўгена Навасялецкага, які загінуў у студзені 2019 года ў аўтааварыі.
Маўляў, Навасялецкі не вельмі прыгожа абышоўся з некаторымі ўплывовымі фінансавымі партнёрамі, а яны пасля яго смерці спрабавалі вярнуць грошы ад блізкіх яму бізнэс-структур.
Адной з такіх кампаній і было «Патыё», падкантрольнае мільянеру Андрэю Балабіну.
Балабін на час разбіральніцтва з'ехаў у эміграцыю.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я20
Каментары