У Італіі пад вінаграднікам знайшлі вялізную старажытнарымскую мазаіку
Старажытнарымскую мазаічную падлогу выявілі пад вінаграднікам на поўначы Італіі, піша bbc.com.
Геадэзісты ў камуне Неграр-ды-Вальпалічэла, што на поўначы ад Вероны, апублікавалі малюнак добра захаванай падлогі, якую ўкрываў пласт зямлі ў некалькі метраў.
Па словах чыноўнікаў, навукоўцы знайшлі доказы існавання старажытнарымскай вілы ў гэтай мясцовасці.
Цяпер там ідуць раскопкі.
Змешчаныя ў інтэрнэце выявы дэманструюць мазаіку, якая выдатна захавалася, а таксама падмурак вілы.
На сайце мясцовай камуны адзначаецца, што даследчыкі нарэшце зрабілі гэта адкрыццё «пасля дзесяцігоддзяў няўдалых спробаў».
Геадэзісты будуць падтрымліваць сувязь з уладальнікамі вінаградніка і муніцыпалітэтам, каб вызначыць найбольш прыдатныя спосабы зрабіць гэты схаваны пад нагамі археалагічны скарб даступным і дасягальным.
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе9
Каментары