Іх спыніла машына ДАІ на выездзе з горада. Як паведаміла журналістка-фрылансерка, якая супрацоўнічае з «Белсатам», Алена Дубовік, яе разам з аператарам Алесям Баразенкам затрымалі ў Бабруйску, калі яны вярталіся ў Менск.
«Нам сказалі ехаць за машынай ДАІ ў РАУС, бо ў дачыненні да нас вядзецца адміністрацыйная справа. З імі было яшчэ 2 супрацоўнікі АМАПа. Яны мяне асобна забралі», — паведаміла Алена.
Што з імі, пакуль што невядома: тэлефон Алены выключаны, а Алесь Баразенка не бярэ слухаўку.
Сёння яны вялі стрым са збору подпісаў за Святлану Ціханоўскую.
Цяпер чытаюць
Як выглядаюць кватэры з сацыяльным рамонтам для чаргавікоў і колькі за іх просяць1
Каментары