Выбарчыя ўчасткі адкрыліся а 7 раніцы. Палякі абіраюць кіраўніка дзяржавы з ліку 11 прэтэндэнтаў, уключаючы цяперашняга прэзідэнта Анджэя Дуду, паведамляе «Польскае радыё».
Сярод яго супернікаў на пасаду прэзідэнта — мэр Варшавы Рафал Тшаскоўскі, вядомы журналіст Шымон Галоўня, правы палітык Кшыштаф Босак, левы Роберт Бедрань і лідар Сялянскай партыі Уладзіслаў Касіняк-Камыш.
Пяць іншых кандыдатаў — прадпрымальнік, які нядаўна стаў палітыкам, Марэк Якубяк, акадэмік Міраслаў Піятроўскі, бізнэсовец Павел Танайна, палітык і грамадскі дзеяч Вальдэмар Віткоўскі і самазаняты Станіслаў Жуўтэк.
Паводле новаўвядзенняў у польскае заканадаўства, выкліканых эпідэміяй каранавіруса Sars-Cov-2, сёлета прэзідэнцкія выбары ў Польшчы праходзяць па змяшанай сістэме — па пошце і традыцыйнае галасаванне на ўчастку.
Афіцыйныя вынікі галасавання, як чакаецца, будуць абвешчаныя на працягу найбліжэйшых некалькіх дзён.
Калі ніводзін з кандыдатаў не набярэ больш за 50% галасоў, то другі тур выбараў адбудзецца праз два тыдні, 12 ліпеня.
Выбары прэзідэнта Польшчы першапачаткова планаваліся 10 мая, але не адбыліся праз эпідэмію.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу22
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4242
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ42
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары