Міліцыя працягвае шукаць тых, хто ў інтэрнэце абразіў актывістаў БРСМ
Міліцыя працягвае шукаць тых, хто ў інтэрнэце абразіў актывістаў БРСМ.
Увечары 5 чэрвеня ў адным з Telegram-каналаў былі апублікаваныя персанальныя звесткі і спасылкі на старонкі ў сацыяльных сетках людзей, якія ўдзельнічалі ў пікеце ля гандлёвага цэнтра ў Мінску. У гэты ж дзень праз віртуальныя паведамленні на іх адрас пачалі паступаць абразы. У выніку маладыя людзі напісалі калектыўны зварот у міліцыю. Праваахоўнікі правялі праверку па заяве і высветлілі асобы некаторых правапарушальнікаў. Двух з іх ужо прыцягнулі да адміністрацыйнай адказнасці за абразу.
Яшчэ адна 20-гадовая мінчанка зрабіла скрыншот акаўнта ўдзельніцы пікета, размясціла яго ў сябе на старонцы ў сацыяльнай сетцы і падпісала абразлівымі словамі. Допіс стаў публічным, таму на дзяўчыну вырашылі падаць у суд для прыцягнення яе ўжо да крымінальнай адказнасці. Аналагічныя заявы будуць разгледжаны яшчэ ў адносінах пяцярых карыстальнікаў, якія пад публікацыяй пакінулі абразлівыя водгукі. Акрамя таго, міліцыя працягвае высвятляць асобы астатніх людзей, якія абражалі заяўніцу ў сеціве. Усяго такіх каля 50 чалавек.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары