Арыштаванаму за палітыку трактарысту з-пад Хойнікаў за адзін вечар людзі пералічылі больш за 2000 рублёў
Tut.by
3 жніўня суд Хойніцкага раёна пакараў 10-дзённым арыштам трактарыста Яўгена Васількова. Ён вядзе блог пра жыццё ў вёсцы. Папулярнасць здабыў сваімі разважаннямі пра выбары. Беларусы актыўна адгукнуліся на заклік дапамагчы сям'і трактарыста, піша Радыё Свабода.
«Так, з рукамі ў мазуце, і забралі — за тое, што праўду казаў!» У Хойніках трактарысту-блогеру Яўгену Васількову далі 10 сутак
У Яўгена з жонкай Таццянай чацвёра дзяцей, двое дарослых і двое непаўналетніх. «Учора позна вечарам мне пачалі паступаць грошы на картку ад незнаёмых людзей. На ўчарашні вечар ужо было больш за 2 тысячы. Гэта такія вялікія грошы! Я баюся, хоць бы ўлада, падатковая не прычапіліся да мяне за іх, каб не было праблем. Нам столькі і не трэба, я ўжо прасіла, каб прыбралі маю картку з інтэрнэту, але людзі тэлефануюць мне і прапануюць, каб не здымала картку», — распавяла Свабодзе Таццяна Васількова.
Паводле Таццяны, яна ўпершыню сутыкнулася з такой сітуацыяй. «Людзі мне тэлефануюць, прапануюць розную дапамогу, абураюцца, калі я адмаўляюся. Кажуць: «Ну не хочаш грошы, то давай мы дзецям што прывязём, давай іх у Макдональдс звозім?». Я такога не чакала! Вялікі дзякуй усім людзям, мне і прыемна, і неяк страшна праз гэтыя грошы», — дадала жонка трактарыста.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары