Жыхары Вілейкі кажуць, што некаторых бюджэтнікаў просяць галасаваць датэрмінова. Улады гэта адмаўляюць
Жыхары Вілейкі паведамляюць, што ў іх горадзе супрацоўнікаў некаторых бюджэтных арганізацый просяць прагаласаваць на выбарах датэрмінова. Улады горада гэта адмаўляюць, а ў мясцовай выбарчай камісіі кажуць, што з такімі скаргамі ніхто яшчэ не звяртаўся.
Чытачы Tut.by паведамляюць, што ў горадзе Вілейка супрацоўнікаў некаторых бюджэтных арганізацый просяць прагаласаваць на выбарах датэрмінова, і лепш за ўсё гэта зрабіць чамусьці сёння, 6 жніўня. Прычым людзей нібыта нават адпускаюць з працы.
— Просяць прагаласаваць датэрмінова, ідэальна — сёння, прадастаўляюць машыну і адвязуць у працоўны час на ўчастак, які назавеш, — кажа супрацоўнік аўтапарка № 5 у Вілейцы.
Датэлефанавацца да кіраўніцтва аўтапарка Tut.by не ўдалося. У раённай выбарчай камісіі сказалі, што са скаргамі наконт таго, што на мясцовых прадпрыемствах просяць прагаласаваць датэрмінова, да іх не звярталіся.
Адзін з чытачоў Tut.by напісаў у рэдакцыю пра тое, што прагаласаваць датэрмінова некаторыя бюджэтныя арганізацыі горада прасілі на сходзе ў раённым выканкаме. Аднак у самім Вілейскім раённым выканаўчым камітэце гэтую інфармацыю абвяргаюць.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары