Расійскі пасол дапусціў правакацыю «трэцяй краіны» для затрымання баевікоў у Мінску
Сітуацыя з расіянамі, затрыманымі ў Беларусі, магла быць справакавана з трэцяй краіны, каб ускладніць адносіны Масквы і Мінска. Пра гэта заявіў пасол Расіі ў Беларусі Дзмітрый Мезенцаў, паведамляе РБК.
«Сёння прадстаўлены пераканаўчыя факты, якія пацвярджаюць, што з трэцяй краіны рыхтавалася правакацыя, накіраваная на ўскладненне адносін Расіі і Беларусі», — заявіў Мезенцаў.
На яго думку, праверка Следчага камітэта Расіі пацвердзіць «заказны характар маштабнай аферы, у якую былі ўцягнутыя» расіяне.
«Паводле задумы арганізатараў «з-за мяжы», акцыя была патрэбная, каб нанесці шкоду шматграннаму супрацоўніцтву, асаблівым адносінам нашых краін», — заявіў Мезенцаў.
Аднак Расія «не дазволіць сабе крокаў, якія могуць садзейнічаць парушэнню грамадскага парадку і законнасці, росту напружанасці ў брацкай Беларусі, асабліва ў перадвыбарчы перыяд», дадаў пасол.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары