«Гэта будзе самае лёгкае рашэнне ў вашым жыцці». Выпускнікі сталічнай беларускамоўнай гімназіі звярнуліся да педагогаў з камісіі
Выпускнікі шматлікіх навучальных устаноў запісалі відэазвароты да педагогаў сваіх школ, якія ўваходзяць у выбарчыя камісіі. Да іх далучылася і 23-я гімназія Мінска з беларускай мовай навучання. «Гэта будзе самае лёгкае рашэнне ў вашым жыцці», — пераконваюць выпускнікі. Яны заклікаюць членаў камісіі не фальсіфікаваць выбараў і паведаміць сапраўдныя вынікі галасавання.
У будынку 23-й гімназіі размешчаныя дзве камісіі.
Участак галасавання № 65 (017 242 87 16) узначальвае намесніца дырэктаркі гімназіі №23 Вандзяева Аксана Савельеўна. Яе намесніца — Зінкевіч Алена Уладзіміраўна. Сакратарка камісіі — Хадаронак Наталля Віктараўна. Тут камісія складзеная з супрацоўнікаў гімназіі, у яе ўваходзіць завуч па выхаваўчай рабоце.
Участак галасавання № 63 (017 243 51 26) узначальвае Іванова Інна Вацлаваўна. Яе намесніца — Сіўцова Святлана Рыгораўна. Сакратарка камісіі — Лабаноўская Валерыя Валераўна. Тут камісія складзеная з прадстаўнікоў іншай установы.
Раней з аналагічнымі зваротамі выступілі выпускнікі Ліцэя БДУ, Гімназіі №1 горада Мінска імя Францішка Скарыны, факультэта радыёфізікі БДУ ды іншыя.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары