Кандыдат у прэзідэнты Беларусі Святлана Ціханоўская пасля затрымання двух асноўных сваіх памочнікаў з'ехала з кватэры ў Мінску.
Цяпер яна знаходзіцца ў асяроддзі членаў прадвыбарчага штабу і журналістаў, паведаміла прэс-сакратар Ганна Красуліна. «Начаваць дома Ціханоўская не будзе, каб не заставацца адной. Але яна не пакідае Мінск, застаецца на тэрыторыі горада», — сказала Красуліна.
Днём 8 жніўня ў Мінску затрымалі кіраўніка штаба Ціханоўскай Марыю Мароз. Акрамя таго, па словах Красулінай, з 15 гадзін не выходзіць на сувязь яшчэ адзін прадстаўнік выбарчага штаба Алег Майсееў — яго выклікалі ў аддзел МУС па барацьбе з аргзлачыннасцю.
Каментары