Пашыранага выкарыстання элементаў дыстанцыйнай адукацыі пакуль не прадугледжана, паведаміў Мінск-навінам начальнік Галоўнага ўпраўлення прафесійнай адукацыі Сяргей Каспяровіч.
Нагадаем, што з канца сакавіка частка ВНУ перайшла ў дыстанцыйны фармат праз пагрозу каранавіруса.
«Усе фактары і абставіны нам кажуць пра тое, што тыя меры, якія прадпрымаліся ў ВНУ вясной і ў ранейшых аб'ёмах, пакуль не патрэбныя. Нагадаю, што тады ў сувязі з эпідэміялагічным становішчам быў зрушаны пачатак першых пар, разведзеныя па часу змены, адмененыя або перанесеныя ў іншы фармат лекцыйныя заняткі. Таксама пашырана ўжываліся дыстанцыйныя тэхналогіі. Пакуль на 1 верасня мы не бачым неабходнасці прыняцця гэтых мер. Але Міністэрства адукацыі і ВНУ, з улікам набытага вопыту ў мінулым вясновым семестры, гатовыя ў любы час скарэктаваць навучальны працэс. У тым ліку, калі спатрэбіцца, у бок больш шырокага выкарыстання анлайн-тэхналогій», — сказаў ён.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую10
Каментары