«У Чачні сочаць за паспяховай і мудрай палітыкай»: Кадыраў заклікаў беларускі народ падтрымаць Лукашэнку
kremlin.ru
Кіраўнік Чачні Рамзан Кадыраў у сваім тэлеграм-канале павіншаваў Аляксандра Лукашэнку з днём нараджэння і заклікаў беларускі народ захаваць дзейную ўладу.
«Я віншую з днём нараджэння прэзідэнта Рэспублікі Беларусь Аляксандра Лукашэнку. Я стаўлюся да Аляксандра Рыгоравіча з вялікай павагай! Пад яго кіраўніцтвам Беларусь стала адной з самых стабільных дзяржаў на постсавецкай прасторы», — напісаў Кадыраў.
Ён адзначыў, што ў Чачні сочаць за «паспяховай і мудрай палітыкай, якая праводзіцца Аляксандрам Рыгоравічам», і радуюцца ёй. Таксама кіраўнік Чачні выказаў падзяку Лукашэнку за вялікі ўклад ва ўмацаванне братэрскіх адносінаў паміж Расіяй і Беларуссю.
Таксама кіраўнік Чачні асудзіў дзеянні праціўнікаў дзейнай улады ў Беларусі.
Каментары