Гэта будзе зроблена «па просьбе насельніцтва».
1 чэрвеня на Беларускай чыгунцы (БЧ) уводзіцца пакіламетровы тарыф на аплату праезду ў прыгарадных зносінах.
Пра гэта 21 мая паведаміў журналістам першы намеснік начальніка БЧ Уладзімір Лапцінскі.
Ён растлумачыў, што гэта будзе зроблена «па просьбе насельніцтва».
1 км будзе каштаваць 44 рублі.
Лапцінскі зазначыў, што БЧ не павышала цэны ў прыгарадных зносінах ужо на працягу паўтара года. «Як было 440 рублёў за адну зону, так і засталося», — канстатаваў ён. У міжнародных зносінах, падкрэсліў ён, на летнія перавозкі БЧ і РЖД «наадварот цэны панізіліся прыкладна на 20%».
Што тычыцца грузавых тарыфаў, Лапцінскі зазначыў, што ў рамках СНД міжнародныя тарыфы на перавозкі засталіся на ўзроўні 2008 года. «Мы іх не павышалі, а на некаторыя віды экспартна арыентаваных грузаў — лесу, будматэрыялаў — знізілі на 20‑50%», — паведаміў прадстаўнік БЧ.
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі1
Каментары