Абраны прэзідэнт ЗША Джозэф Байдэн і яго напарніца па перадвыбарнай гонцы Камала Харыс сталі ўладальнікамі звання «Чалавек года» па версіі амерыканскага часопіса Time. Пра гэта абвешчана ў чацвер падчас спецыяльнага эфіру тэлекампаніі NBC.
Joe Biden and Kamala Harris are TIME's 2020 Person of the Year #TIMEPOY https://t.co/o97QNlSBrl pic.twitter.com/KuoBoebBN4
Рок-музыка Брус Спрынгсцін прадставіў уладальнікаў ганаровага звання. «Амаль сто гадоў Time называў «чалавека года». У 2020 годзе ім па версіі Time сталі абраны прэзідэнт Джо Байдэн і абраная віцэ-прэзідэнт Камала Харыс», — заявіў рокер. Галоўны рэдактар часопіса Эдвард Фельзенталь адзначыў, што гэтае званне ўпершыню прысвоена абранаму віцэ-прэзідэнту ЗША. «Байдэн і Харыс уяўляюць сабой нешта эпахальнае», — дадаў ён.
Байдэн і Харыс выказалі падзяку, заявіўшы, што рашэнне рэдакцыі часопіса стала для іх гонарам. Прысуджэнне звання сёлета з-за пандэміі праходзіла ў дыстанцыйным фармаце. Прадстаўленне прэтэндэнтаў, абвяшчэнне пераможцаў і іх выступы былі загадзя запісаныя на відэа.
Паводле ацэнкі рэдакцыі Time, Байдэн «быў названы 46-м прэзідэнтам Злучаных Штатаў падчас гістарычных і беспрэцэдэнтных выбараў». Часопіс ставіць былому віцэ-прэзідэнту краіны ў заслугу тое, што ён на прэзідэнцкіх выбарах у лістападзе набраў самую вялікую колькасць галасоў у гісторыі ЗША, пабіўшы рэкорд 44-га кіраўніка дзяржавы Барака Абамы.
Часопіс у чацвер абвясціў шорт-ліст прэтэндэнтаў на гэтае званне. Акрамя Байдэна, імі былі дзейны прэзідэнт ЗША Дональд Трамп, супрацоўнікі сістэмы аховы здароўя разам з галоўным інфекцыяністам ЗША Энтані Фаўчы, а таксама ўдзельнікі руху за расавую справядлівасць. Камала Харыс ў гэты шорт-ліст уключана не была.
У 2019 годзе «Чалавекам года» па версіі Time стала шведская 16-гадовая экаактывістка Грэта Тунберг.
Першым гэты тытул у 1927 годзе заслужыў амерыканскі лётчык Чарльз Ліндберг, які ўпершыню ў гісторыі адзін пераляцеў праз Атлантыку.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА14
Каментары