Лаўрэат Канскага, Венецыянскага і Берлінскага кінафестываляў, рэжысёр Кім Кі Дук прыехаў у Латвію 20 лістапада, а пачынаючы з 5 снежня не выходзіў на сувязь. Сёння стала вядома, што ён памёр ад ускладненняў COVID-19, піша Delfi.
У Латвію рэжысёр прыбыў праз Эстонію з Санкт-Пецярбурга. Паводле неафіцыйнай інфармацыі, у планах сусветна вядомага рэжысёра было набыццё дома ў Юрмале і афармленне дазволу на жыхарства, але на запланаваную сустрэчу рэжысёр не з'явіўся. Пасля гэтага яго калегі паднялі трывогу і пачалі пошук па бальніцах. Пошук быў абцяжараны ў сувязі з правіламі па абароне асабістых звестак.
Кім Кі Дук — лаўрэат Венецыянскага кінафестывалю за фільмы «П'ета» і «Пусты дом», Канскага кінафестывалю за фільм «Арыран», Берлінскага кінафестывалю — за стужку «Самарыцянка». Таксама вядомы як аўтар фільмаў «Вясна, лета, восень, зіма і зноў вясна», «Нацягнутая цеціва», «Час».
Апошнія гады Кім Кі Дук быў цесна звязаны з Расіяй і Казахстанам.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары