Сяброўцы сям'і Бабарыкі Святлане Купрэевай працягнулі тэрмін пад вартай
Суд Цэнтральнага раёна Мінска падоўжыў яшчэ на два месяцы тэрмін утрымання пад вартай Святланы Купрэевай, сяброўкі сям'і Бабарыкі. Пра гэта распавёў Tut.by яе адвакат Яўген Пыльчанка.
Святлана Купрэева знаходзіцца ў СІЗА КДБ ужо крыху больш за 6 месяцаў. 11 снежня суд зноў падоўжыў ёй тэрмін утрымання пад вартай. Гэта значыць, што ў зняволенні яна можа правесці 8 месяцаў. Яе адвакат падаў скаргу на гэта рашэнне.
— На наступным тыдні, а верагодна, што і на гэтым, суд яе разгледзець, — кажа праваабаронца Яўген Пыльчанка. — Калі суд або следства не захоча змяніць меру стрымання, то Святлана застанецца пад вартай да 11 лютага 2021 года.
Нагадаем, Святлана Купреева — блізкая сяброўка сям'і Бабарыкі і былы член яго ініцыятыўнай групы, цяпер на пенсіі, але падзарабляла ў дробных фірмах бухгалтарам. Жыве яна ў старой хрушчоўцы, якая належыць яе маці. Яе затрымалі 11 чэрвеня і змясцілі ў СІЗА КДБ спачатку ў якасці затрыманай, а з 13 чэрвеня — зняволенай пад варту. Падазраецца яна ва ўхіленні ад выплаты падаткаў, чым нанесла дзяржаве шкоду на суму, эквівалентную амаль 4 мільёнам далярам.
Цяпер чытаюць
Лукашэнка: Што творыцца ў краіне, у нас усе гэтую гусь круцяць33
Каментары