Літва ўводзіць строгі лакдаўн. Будзе забаронена пакідаць месца жыхарства без важкай прычыны

LRT
Жыхары Літвы праз складаную сітуацыю з каранавірусам падрыхтаваліся да поўнага лакдаўну, які ўводзіцца на ўсёй тэрыторыі краіны з серады, 16 снежня. Строгія абмежаванні будуць дзейнічаць да 3 студзеня, паведамляе LRT.
Грамадзянам будзе забаронена пакідаць месца жыхарства без важкай прычыны, а менавіта — паходу ў краму, паездкі на працу, у бальніцу, на пахаванне.
За межы свайго муніцыпалітэта выязджаць можна будзе толькі на працу, для аказання медыцынскай дапамогі або на пахаванне.
У краіне закрыюць усе адукацыйныя ўстановы, у тым ліку дзіцячыя сады. Крамы, акрамя прадуктовых, аптэк і заамагазінаў, таксама спыняць працу.
-
У Польшчы прапанавалі жорсткі законапраект: грамадзянства — пасля 10 гадоў на сталым ДНЖ, дэпартацыя — за два правапарушэнні
-
Літва не адкрые паветраную прастору для палёту Фіца ў Маскву на Дзень Перамогі
-
Эстонскія палітыкі моцна раскрытыкавалі Зяленскага: запалохваючы краіны Балтыі, той не даб'ецца поспеху
Каментары