Прэм’ер-міністр Вялікабрытаніі Эндзі Бёрнэм заявіў, што ўрад можа разгледзець вяртанне краіны ў Еўрасаюз сярод варыянтаў перагляду адносін з Еўропай. Пра гэта ён сказаў у інтэрв’ю «Бі-бі-сі».
Бёрнэм пералічыў чатыры магчымыя шляхі: захаваць цяперашнія адносіны, стварыць мытны саюз з ЕС, вярнуцца на адзіны еўрапейскі рынак або аднавіць паўнапраўнае членства. «Мы маглі б пайсці да канца», — сказаў прэм’ер, кажучы пра апошні варыянт. Паводле яго слоў, урад павінен ацаніць рэалізуемасць кожнага сцэнарыя, яго перавагі і недахопы.
Пры гэтым Бёрнэм не абвяшчаў пра рашэнне вярнуцца ў ЕС. Ён нагадаў, што хацеў бы ўбачыць гэта пры сваім жыцці, але ўдакладніў, што гаворка неабавязкова ідзе пра бліжэйшы час.
Рэферэндум аб членстве Вялікабрытаніі ў Еўрасаюзе прайшоў у чэрвені 2016 года. За выхад з ЕС прагаласавалі 51,9% удзельнікаў, за захаванне членства — 48,1%. Яўка склала 72,2%.
Каралеўства афіцыйна выйшла з Еўрасаюза 31 студзеня 2020 года. Гісторыя выхаду атрымала назву Brexit.
-
У Эфіопіі пасля некалькіх гадоў перапынку зноў разгараецца поўнамаштабная грамадзянская вайна. Можа дэстабілізавацца і ўвесь рэгіён
-
Швейцарскія ледавікі растаюць, за мінулы год страчаная рэкордная колькасць лёду. Чым гэта пагражае?
-
Украінца пакаралі ўмоўным тэрмінам за перадачу Беларусі праграмы для вайсковага авіяцыйнага трэнажора
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту61
Каментары