Рыэлтар паказаў кватэру, якую прадалі за 80 тысяч даляраў. Беларусы ўразіліся
Кватэру пад рамонт у мінскім пяціпавярховіку на вуліцы Сядых купілі за 80 тысяч даляраў. Рыэлтар падзяліўся вынікамі здзелкі ў Threads, што выклікала актыўнае абмеркаванне.
Менш чым за суткі допіс сабраў больш за дзвесце каментароў, заўважае Realt. Адны лічаць цану высокай. Іншыя мяркуюць, што такі стан кватэры лепшы за варыянт са старым рамонтам.
— На рамонт тут тысяч 25. Вось і скажыце, ці каштуе яна 100+? — задаецца пытаннем каментатар у Threads.
— Гэта лепшы стан, чым з рамонтам 50‑гадовай даўніны. Прынамсі, усё старое дэмантавалі і вывезлі. Гэта каштуе прыстойных грошай. Ацэніць толькі той, хто рабіў рамонт на другасным рынку, — напісала іншая карыстальніца і сабрала некалькі соцень лайкаў.
З тым, што цана апраўданая, пагадзілася і рыэлтарка.
— Маё меркаванне як атэставанай рыэлтаркі — выдатная цана! Можна было паспрабаваць і за 85 тысяч даляраў. Сядых — выдатная лакацыя. Гэта не хрушчоўка, а брэжнеўка! Кватэра выдатна падрыхтаваная пад рамонт! Пакупнік зробіць усё на свой густ! Першамайскі раён вельмі зялёны, з мноствам паркаў, чыстым паветрам і выдатнай інфраструктурай! А хто там прапануе 60 тысяч, пашукайце аднапакаёўку ў Шабанах, можа, вам пашанцуе.
Але не абышлося і без каментароў накшталт: «Свет звар'яцеў».
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос23
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары