«Першая партыя вакцыны паступіць у студзені. Мы пачнём прышчэпачную кампанію ў студзені», — сказаў сёння журналістам міністр здароўя Дзмітрый Піневіч.
На першым этапе вакцынацыі будуць падлягаць медыцынскія работнікі, настаўнікі, работнікі гандлю і іншых сфер, вымушаныя ў сілу прафесіі кантактаваць з вялікай колькасцю людзей. Вакцыну яны атрымаюць бясплатна.
Сёння паведамлялася, што ў Беларусі зарэгістраваная расійская вакцына «Спадарожнік V», распрацаваная Інстытутам імя Гамалеі.
«Вакцына зарэгістраваная ў краіне, дадзены дазвол на клінічнае прымяненне, — адзначыў Піневіч. — Вакцына можа прымяняцца на тэрыторыі нашай краіны ўжо ў рамках не клінічных выпрабаванняў, а звычайнай працы. Цяпер стаяць пытанні далейшай пастаўкі і г. д.»
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім8
Каментары