ФІФА адхіліла ўсе прэтэнзіі АБФФ да Шкурына — футбаліста, які адмовіўся выступаць за зборную
Міжнародная федэрацыя футбола адхіліла ўсе прэтэнзіі беларускай федэрацыі да форварда ЦСКА Іллі Шкурына.
Фота ЦСКА
Раней паведамлялася, што АБФФ накіроўвала ў дысцыплінарны камітэт УЕФА запыт, у якім прасіла ўжыць санкцыі да Іллі Шкурына за няяўку ў моладзевую зборную Беларусі на матчы кваліфікацыйнага раўнда чэмпіянату Еўропы супраць Нідэрландаў і Партугаліі ў верасні 2020 года.
Нагадаем, 15 жніўня Шкурын заявіў, што адмаўляецца гуляць за зборную пры рэжыме Лукашэнкі.
У снежні футбаліст падпісаў ліст за сумленныя выбары і супраць гвалту. Пасля чаго быў выключаны са зборнай Беларусі і пазбаўлены льготы па адтэрміноўцы вайсковай службы.
Старшыня АБФФ Уладзімір Базанаў заяўляў, што Шкурын не меў права адмовіцца прыязджаць у зборную.
Закаханыя ў Мінску хацелі сабраць з падпісчыкаў $10 тысяч на вяселле мары. Колькі ж у выніку ім заданацілі?13
Каментары