«Беларусьфільм» зрабіў першы ў сваёй гісторыі поўнаметражны мультфільм — і ён заснаваны на кнізе Давыдзькі
Да экранізацыі казкі Генадзя Давыдзькі «Зоркі сёмага неба» рэжысёр Алена Турава прыступіла яшчэ ў 2017-м. Так атрымаўся адзіны ў сваім родзе беларускі поўнаметражны мюзікл, маляваных герояў якога агучылі айчынныя артысты, піша sb.by. Мноства роляў агучыла сама Алена Турава.
Бард Анатоль Длускі ў вобразе Люлечкі, акцёр Дзмітрый Пусцільнік у ролях Страху і Астролага і Тэа, які праспяваў за ката Мурмота. Казачным феям свой голас падарыла спявачка і паэтка Вольга Рыжыкава.
Аўтару кнігі Генадзю Давыдзьку ідэя перанакіраваць яго творчую фантазію ў музычнае рэчышча падалася вельмі сімпатычнай. Больш за тое, на першым этапе працы ён асабіста браў удзел у распрацоўцы сцэнара.
Музыку да будучага мультфільма прапанавалі напісаць чатыром аўтарам. Больш за ўсё стваральнікам «Зорак…» спадабаліся мелодыі Леаніда Шырына. Аўтарам слоў усіх кампазіцый стала сама рэжысёр Турава.
Фільм складаецца з 5 частак, кожная па 13 хвілін. Калі ўсё складзецца ўдала, то мультыплікацыйны фільм можна будзе ўбачаць ужо падчас вясновых школьных канікул.
Каментары