Паўторна заразіцца каранавірусам можна з некалькіх прычын. Іх раскрыў доктар-інфекцыяніст Яўген Цімакоў, піша lenta.ru.
Ён адзначыў, што часта новае інфікаванне звязана з імунітэтам чалавека. Напрыклад, ён можа быць аслаблены з-за прыёму якіх-небудзь лекаў або ў арганізме стала мала антыцелаў. Акрамя таго, у некаторых імунная абарона недастаткова сфармавалася пасля хваробы.
Яшчэ адзін магчымы варыянт новага заражэння — высокая вірусная нагрузка пры частых кантактах з інфікаванымі.
Цімакоў удакладніў, што перанесеная каранавірусная інфекцыя ні ў якім выпадку не фармуе пажыццёвы імунітэт. «Гэта не ветраная воспа», — дадаў ён.
Па яго словах, людзі штогод хварэюць у выніку заражэння рознымі каранавірусамі. Хваробы, выкліканыя адным канкрэтным ўзбуджальнікам, звычайна паўтараюцца раз у тры-чатыры гады.
Каментары