МУС: Міліцыя не дапусціць правядзення якіх-небудзь несанкцыянаваных акцый падчас «Усенароднага сходу»
У міліцыі папярэдзілі аб кароткачасовых абмежаваннях транспарту ў Мінску 11 і 12 лютага.
Пра гэта паведамляе прэс-служба ведамства.
У МУС зазначаюць, што напярэдадні Шостага Усебеларускага народнага сходу органы ўнутраных спраў прадпрымаюць усе неабходныя меры па грамадскай бяспецы, гэта звязана ў тым ліку з прыбыццём у сталіцу вялікай колькасці людзей.
«Асноўная задача супрацоўнікаў міліцыі ў гэтыя дні — прадухіліць правапарушэнні, растлумачыць правілы паводзінаў і меры адказнасці. У той жа час праваахоўнікі не дапусцяць правядзення якіх-небудзь несанкцыянаваных акцый на фоне важнага грамадска-палітычнага мерапрыемства. Правапарадак будзе забяспечаны: любыя супрацьпраўныя дзеянні спыненыя, а кожнаму з іх — дадзеная прававая ацэнка», — заявіла афіцыйны прадстаўнік МУС Вольга Чамаданава.
У міліцыі звярнулі ўвагу, што 11 і 12 лютага ў Мінску магчымыя кароткачасовыя абмежаванні руху, у тым ліку па прычыне складаных умоў надвор'я — па прагнозах сіноптыкаў, на працягу тыдня ў Мінску чакаецца моцны снегапад. У ведамстве заклікалі па магчымасці адмовіцца ад выкарыстання асабістага транспарту.
Цяпер чытаюць
Лукашэнка нервова пракаментаваў візіт Ціханоўскай у Кіеў40
Каментары