Нападнік збіў дзвюх жанчын, адна з іх шпіталізаваная з траўмамі галавы.
10 чэрвеня ў Баранавічах на адно з аддзяленняў «Беларусбанку» быў здзейснены ўзброены напад, паведамляе «Intex-press».
Па сканчэнні перапынку на абед у філіял банку на вул. Паркавай уварваўся ўзброены пісталетам і нажом мужчына. Пагражаючы зброяй, ён запатрабаваў грошай. А пасля пачаў збіваць жанчын — супрацоўніцу банку і наведніцу ўстановы.
Адна з іх, 38-гадовая супрацоўніца філіялу, ад ўдару нападніка павалілася на банкамат і моцна ўдарылася аб яго галавой. Невядомы стрэліў у столю, абышоў памяшканне, і, не знайшоўшы грошай, збег.
Пацярпелыя атрымалі лёгкія чэрапна-мазгавыя траўмы, супрацоўніца банку яшчэ страсенне мазгоў. Жанчына знаходзіцца ў нейрахірургічным аддзяленні гарадской бальніцы.
***
Варта адзначыць, што ўзброеныя напады на банкі і касіраў ў гэтым годзе рэзка пачасціліся.
Толькі за першыя паўгода здарылася некалькі гучных спраў, звязаных з рабаваннем банкаў.
Бадай самым гучным выпадкам стаў напад на машыну з грашыма для работнікаў аднаго з сельгаспрадпрыемстваў Салігорскага раёну 27 лютага.
Злачынцы арганізавалі засаду на ўскрайку Салігорска. Дзеля 73 мільёнаў рублёў яны забілі бухгалтарку СВК і кіроўцу. У апошняга засталіся двое, а ў жанчыны-бухгалтаркі — трое дзяцей.
20 лютага ўвечары невядомы злачынца, выдаўшы сябе за інкасатара, трапіў у памяшканне пункту абмену валютаў у мінскім гіпермаркеце «Прастор». Там ён ужыў супраць касіркі электрашокер ды завалодаў валютай на суму больш 80 тыс. даляраў.
Увечары 30 сакавіка ў філіяле сталічнага банка, што на вуліцы Прамой (раён Грушаўкі), пагражаючы касіру пісталетам, невядомы злачынца завалодаў 1915 далярамі, 850 еўра, 2200 расійскімі рублямі і 2 млн 300 тыс. беларускімі рублямі.
29 красавіка ў добрушскі банк уварваўся мужчына з павязкай на твары. Ён пераскочыў праз стойку, забраў 52 тысячы расейскіх рублёў і больш за 1,5 тысячы даляраў ЗША, і ўцёк. Але недалёка - знайсці рабаўніка дапамаглі камеры відэаназірання.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары