У Заводскім, Ленінскім і Кастрычніцкім.
Вынікі проб у двух пунктах даследавання не адпавядаюць нормам па паказчыках «мутнасць», «каляровасць», утрыманню жалеза. Інфармацыя пра гэта з'явілася на сайце Мінскага гарадскога цэнтра гігіены і эпідэміялогіі,
Спецыялістамі санітарна-эпідэміялагічнай службы Мінска з 6.40 да 7.50 22 красавіка праведзены адбор пробаў пітной вады для правядзення лабараторных даследаванняў па паказчыках мікрабіялагічнай і хімічнай бяспекі.
Згодна з вынікамі лабараторных даследаванняў пробы вады з пробаадборнага крана РПНС «Курасоўшчына-1» (вул. Каржанеўскага, 8б), не адпавядаюць па паказчыку «мутнасць» і ўтрыманню жалеза; пробы вады з крана РПНС «Серабранка» (Ракасоўскага, 12/2) не адпавядаюць па паказчыках «каляровасць», «мутнасць» і ўтрыманню жалеза; пробы вады, адабраныя ў камеры пераключэння №5 (вул. Чыжэўскіх), адпавядаюць па ўсіх даследаваных паказчыках.
Санслужба рэкамендуе выкарыстоўваць бутыляваную, альбо прывазную ваду.
Каментары