Прэзідэнт Расіі Уладзімір Пуцін адказаў на прапанову кіраўніка Украіны Уладзіміра Зяленскага аб сустрэчы і прапанаваў сустрэцца ў Маскве «ў любы зручны час».
«Што тычыцца прапановы ўкраінскага кіраўніцтва і прэзідэнта Зяленскага — хацеў бы сказаць наступнае. У апошні час дзеючае кіраўніцтва Украіны зрабіла вельмі шмат крокаў, што разбураюць расійска-ўкраінскія адносіны.
Гэта тычыцца шэрагу праблем у двухбаковых адносінах, гэта тычыцца стаўлення да РПЦ і яе разбурэння, спробы разбурэння, гэта тычыцца да рускай мовы і да рускамоўных грамадзян Украіны, і да расійскіх грамадзян, якія пражываюць ва Украіне… Вельмі шмат крокаў, пра якія мы толькі шкадуем.
Калі прэзідэнт Зяленскі хоча пачаць аднаўленне гэтых адносін, мы будзем гэта толькі вітаць. Застаецца пытанне — што хочам абмяркоўваць на гэтай сустрэчы? Калі гаворка ідзе пра абмеркаванне праблем Данбаса, то ў першую чаргу кіраўніцтва Украіны павінна сустракацца з кіраўнікамі «рэспублік» «ЛНР» і «ДНР», а потым вырашаць праблемы з прадстаўнікамі трэціх краін, якой з'яўляецца Расія.
А калі гаворка ідзе аб развіцці двухбаковых адносін, то мы прымем прэзідэнта Украіны ў Маскве ў любы зручны для яго час».
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў77
Каментары