27 красавіка ў судзе Чыгуначнага раёна Гомеля адбыліся судовыя спрэчкі па крымінальнай справе ў дачыненні да давераных асоб Святланы Ціханоўскай — Таццяны Канеўскай, Юрыя Уласава, Дзмітрыя Івашкова і Аляксандра Шабаліна. Іх вінавацяць ў «масавых беспарадках і планах па захопе будынкаў», піша spring96.org.
Пракурор Дзяніс Мікушаў выказаўся, што віна чатырох жыхароў Гомеля даказана цалкам. Ён запатрабаваў пакараць Юрыя Уласава — 6 з паловай гадамі пазбаўлення волі ў калоніі ўзмоцненага рэжыму, Дзмітрыя Івашкова і Аляксандра Шабаліна — 6 гадамі пазбаўлення волі ў калоніі ўзмоцненага рэжыму, Таццяну Канеўскую — 6 гадамі пазбаўлення волі ў калоніі агульнага рэжыму.
Адвакаты звярталі ўвагу, што няма доказаў абвінавачання ў частцы таго, што абвінавачаныя «спрабавалі вербаваць былых сілавікоў», «планавалі захапіць адміністрацыйныя будынкі». Калі яны размаўлялі з Ціханоўскай пра грошы, то гаворка ішла пра фінансаванне цалкам легальнага пікету, запланаванага на 7 жніўня.
Юрый Уласаў у апошнім слове казаў, што ўсе яго дзеянні не былі злачынствам, а былі накіраваныя толькі на карысць народу.
Цяпер чытаюць
Святлана Ціханоўская завяла трэдс. Што ёй пішуць беларусы?3
Каментары