Пра гэта НН паведаміў адвакат выдання Павал Сапелка, якому патэлефанавала суддзя Тацяна Міранюк.
Пра гэта НН паведаміў адвакат выдання Павал Сапелка, якому патэлефанавала суддзя Тацяна Міранюк.
Упраўленне Камітэта дзяржаўнай бяспекі па Брэсцкай вобласці адправіла адмову ад раней пададзенай заявы аб экстрэмісцкіх матэрыялах «ARCHE». Пра гэта «НН» паведаміў адвакат выдання Павал Сапелка, якому патэлефанавала суддзя Тацяна Ласковіч. Яна паведаміла, што КДБ адмаўляецца ад сваёй заявы і 25 чэрвеня ў 14.00 у судзе Маскоўскага раёна Брэста адбудзецца тэхнічны суд, на якім «нават не абавязкова прысутнічаць».
Падчас суду вырашыцца пытанне, прымаць ці не прымаць да разгляду адмову ад заявы КДБ па Брэсцкай вобласці.
«Шмат што пакуль незразумела, — кажа рэдактар «ARCHE» Валер Булгакаў. — Ці значыць адкліканне заявы нашу канчатковую перамогу? І ці не спроба гэта прыспаць нашу пільнасць?
Цана пытання не адзін мільён беларускіх рублёў, бо судовая справа цягнецца ўжо больш за паўгоду. Для нас важна, які бок будзе плаціць судовыя выдаткі».
***
Нагадаем, што ў кастрычніку мінулага году на беларуска‑польскай мяжы беларускімі мытнікамі было сканфіскавана 10 асобнікаў №7-8’2008.
25 лютага суддзя Маскоўскага раёна Брэста Таццяна Міранюк задаволіла заяву упраўлення КДБ па Брэсцкай вобласці ад 30 снежня 2008 г. аб прызнанні выдання экстрэмісцкім.
«…Праведзеным аналізам устаноўлена, што ў часопісах утрымліваюцца звесткі, якія дыскрэдытуюць дзейнасць органаў улады і кіравання Рэспублікі Беларусь, узмацняюць сацыяльна-палітычную напружанасць і супрацьстаянне ў грамадстве, стымулююць здзяйсненне дзеянняў, накіраваных на арганізацыю і ажыццяўленне масавых беспарадкаў, і тым самым ствараюць пагрозу бяспецы Рэспублікі Беларусь», — сцвярджалася ў заяве за подпісам начальніка УКДБ, палкоўніка Леаніда Дзядкова. Меліся на ўвазе артыкулы палітолагаў, прысвечаныя палітычнай сітуацыі ў Беларусі і выбарам 2008 году.
7 мая ў абласным судзе Брэста адбыўся разгляд касацыйнай скаргі на рашэнне суда Маскоўскага раёна Брэста аб прызнанні шэрагу публікацый у № 7—8 недзяржаўнага інтэлектуальнага часопіса «Arche» «экстрэмісцкімі матэрыяламі, якія падлягаюць знішчэнню». Справа тады была вернута на паўторны разгляд у суд Маскоўскага раёна Брэста.
28 мая на просьбу пазоўніка - упраўлення КДБ па Брэцскай вобласці - суд быў перанесены на 25 чэрвеня. Пазоўнік папрасіў правесці экспертызу артыкулаў на прадмет утрымання ў ім матэрыялаў экстрэміцскага зместу Інстытутам нацыянальнай бяспекі і Інфармацыйна-аналітычным цэнтрам пры Адміністрацыі прэзідэнта.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны44
Каментары