У аўторак адвакат Павал Сапелка бачыўся ў мінскім следчым ізалятары з ваўкавыскім прадпрымальнікам.
У аўторак адвакат Павал Сапелка бачыўся ў мінскім следчым ізалятары з ваўкавыскім прадпрымальнікам Мікалаем Аўтуховічам.
«Трымаецца, вельмі слабы, але працягвае галадоўку, на сустрэчу прыйшоў самастойна», — паведаміў адвакат.
Мінуў 69 дзень, як Мікалай Аўтуховіч пачаў галадоўку.
Адвакату невядома, ці ставяць Аўтуховічу кропельніцы. Прадпрымальнік пратэстуе супраць крымінальнага пераследу, які лічыць незаконным — Аўтуховіча абвінавачваюць у падпале дома міліцыянта. Днямі Аўтуховічу абвясцілі, што ён лічыцца падазраваным і ў яшчэ адной крымінальнай справе — аб незаконных дзеяннях са зброяй (ч.3 арт.295 КК).
Найбольшае пакаранне паводле гэтага артыкула — восем гадоў зняволення.
Паводле адваката, справы, у якіх фігуруе Мікалай Аўтуховіч аб’яднаныя. Павел Сапелка таксама паведаміў прозвішча новага следчага, які вядзе справу Аўтуховіча — гэта спадар Клачко. Раней справу прадпрымальніка расследаваў следчы Кухаронак з Гродна.
Каментары