Беларусы звярнуліся да Сусветнага рэгулятара даменаў з просьбай забраць дамен .by у ААЦ. Што ім адказалі?
Пасля блакавання Tut.by і візіту сілавікоў у Hoster.by беларусы на заклік тэлеграм-каналаў паспрабавалі ў лістах да ICANN пераканаць сусветнага рэгулятара даменных імёнаў пазбавіць Аператыўна-аналітычны цэнтр пры прэзідэнце Беларусі (ААЦ) права кіраваць даменнай зонай .by.
На cёння паўнамоцтвамі галоўнага адміністратара даменнай зоны. by валодае менавіта ААЦ. Але за ўсімі даменнымі адміністратарамі стаіць сусветны рэгулятар даменных імёнаў — ICANN, які мае права пазбавіць даменнага адміністратара гэтых паўнамоцтваў шляхам перадэлегавання іх іншай арганізацыі. Пра гэта гаварылася ў закліку да ICANN. Дзясяткі людзей далучыліся да ініцыятывы і сталі адпраўляць у ICANN лісты, з просьбай звярнуць увагу на сітуацыю ў Беларусі.
Выданне dev.by атрымала копію адказу ад IСANN:
«Шкадуем аб праблемах, з якімі вы сутыкнуліся з даменам .by. Даменныя імёны, якія скончваюцца на двухлітарны код краіны — дамены верхняга ўзроўню (ccTLD), такія як.by, адмініструюцца country-code менеджарамі. Аператары прызначаюцца ў кожнай краіне ў адпаведнасці з мясцовым заканадаўствам сумесна з мясцовай інтэрнет-супольнасцю і мясцовымі органамі ўлады. У ICANN няма паўнамоцтваў удзельнічаць у правядзенні аперацый ccTLD і няма дамоўных паўнамоцтваў для прыняцця мер па выкананні патрабаванняў у дачыненні да аператараў ccTLD», — адказалі ў IСANN.
Са скаргамі і пытаннямі па тэме ICANN прапанаваў звяртацца ў ААЦ, указаўшы яго пошту і тэлефон.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары