Апошняя невядомая дагэтуль вежа Ніжняга замка ў Вільні была знойдзеная ля ўзножжа гары Гедыміна. Месцазнаходжанне вежы было адсочана з дапамогай электрычнай тамаграфіі (электратамаграфіі).
«Было вядома, што яна дзесьці ёсць, мэта была ў тым, каб вызначыць месца», — заявіў у аўторак журналістам Станіславас Паткаўскас, каардынатар даследаванняў дырэкцыі Дзяржаўнага культурнага запаведніка віленскіх замкаў.
Вежа размешчаная пад зямлёй на Замкавай плошчы — паміж помнікам князю Гедыміну і колішняй кавярняй «Ратонда».
«У гэтым сезоне не будзе археалагічных раскопак з-за недахопу сродкаў», — сказаў прадстаўнік дырэкцыі.
Паводле яго слоў, цяжка сказаць, калі была пабудавана вежа, але ў пісьмовых крыніцах яна ўпершыню з'явілася ў XVI стагоддзі.
Тэхналогіі на службе гісторыі
Дайнюс Міхелевічус, прэзідэнт кампаніі Geobaltic, якая правяла даследаванне з дапамогай электрычнай тамаграфіі, заявіў, што памеры вежы могуць дасягаць 11 на 8 метраў.
«У часе даследаванняў мы атрымліваем размеркаванне асобных электрычных супраціўленняў у папярочным сячэнні, а затым аб'ядноўваем іх у трохмерны масіў і можам аналізаваць іх не толькі ў сячэнні, але і ў плоскасці. Так фармуюцца анамальныя карты супраціўлення — мы можам даследаваць іх на розных глыбінях. У залежнасці ад формы гэтых анамалій мы можам вырашыць, які гэта аб'ект», — распавёў журналістам спецыяліст.
«Расследаванне выявіла анамалію, якая складае каля 11 метраў на доўгай восі і 8 метраў на кароткай восі. Цалкам рэальна, што ён можа адпавядаць абрысам вежы, якую мы шукаем», — дадаў ён.
Па словах кіраўніка кампаніі, рэшткі вежы павінны пачынацца на глыбіні паўтара-двух метраў, пакуль невядома, якая можа быць яе вышыня пад зямлёй.
У 2019—2020 гадах была выяўленая і ўсходняя вежа Ніжняга замка, гэтыя вежы маюць быць злучаныя сцяной, пад зямлёй захаваліся і яе рэшткі.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары