Прэзідэнт Украіны ў інтэрв'ю Axios заклікаў прэзідэнта ЗША Джо Байдэна сустрэцца з ім да 16 чэрвеня, калі ў швейцарскай Жэневе пройдзе расійска-амерыканскі саміт.
«Разумею, што праз планы, якія мае Байдэн, і яго жорсткі графік гэта можа не адбыцца, але выбар застаецца толькі за ім. З'яўляючыся гарантам Канстытуцыі Украіны, я гатовы абараняць Украіну ў любы момант і ў любым пункце планеты, і я гатовы сустрэцца з ім (Байдэнам) і абмеркаваць усе гэтыя дэталі перад сустрэчай (Пуціна і Байдэна)», — цытуе Зяленскага ria.ru.
Украінскі прэзідэнт адзначыў, што адміністрацыя прэзідэнта ЗША не апавясціла яго аб тым, што Байдэн адмовіцца ад санкцый супраць аператара газаправода «Паўночная плынь — 2». Па словах Зяленскага, ён даведаўся пра гэта з прэсы, піша meduza.io.
Зяленскі лічыць, што расійскі газаправод пагражае нацыянальнай бяспецы Украіны, а ЗША — адзіная сіла, здольная спыніць Расію.
Крыніца Axios у Белым доме паведаміла, што адміністрацыя Байдэна збіралася зладзіць сустрэчу з прэзідэнтам Украіны перад самітам у Жэневе, але адмовілася ад гэтай ідэі пасля таго, як Зяленскі вырашыў змяніць кіраўніцтва «Нафтагаза». У ЗША асцерагаюцца, што так украінскі прэзідэнт адступае ад сваіх намаганняў па барацьбе з карупцыяй.
Цяпер чытаюць
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся4
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары